"War and Peace" - Leo Tolstoy (роман на англиски јазик)

Во живи слики е прикажано расипништвото и подлоста на највисокото друштво, бесмислениот живот на московските благородници, кариеризмот на јавните работници, неспособноста и себичноста на воените старешини. Пред вас поминуваат секакви типови на ликови, интересни по своите карактери и сфаќања. Некои од нив се незаборавни, како што се: Пјер Безухов, Андреј Болконски, Наташа Ростова и др.

„Човек не може да поседува ништо сè додека се плаши од смртта, но оној кој го совладал стравот му припаѓа сè! Ако не беше страдањето, човекот не би ги знаел своите граници... не би се знаел самиот себе.“ (Војна и Мир)

Интересно е што имаат кажано некои познати личности за „Војна и Мир“. Тургењев напишал дека „тоа е едно од најзначајните дела на нашето време, кое на читателите им дава подиректна и поверна слика за карактерот и темпераментот на рускиот народ и за рускиот живот воопшто, отколку да прочитаат стотина етнографски и историски дела. Овде има многу работи што нема да умрат сè додека се зборува руски!“ Горки смета дека „Војна и Мир е најголемо дело на светската литература во XIX век.“ Познатиот англиски романописец Galsworthy рекол дека „тоа е најголемо дело кое е некогаш напишано!“ За светската литература, вредноста на делото на Толстој е непроценлива!

Едно исто прашање се појавува во секоја душа: „За што, за кого, треба да убијам и да бидам убиен?“ (Војна и Мир)